DEGEMER AC’HANOC’H
TEULIAD DEGEMER
PRIZIOÙ
Kit e darempred gant degemer an Annez, mar plij, evit anavezout ar prizioù herberc’hiañ.
SKOAZELLOÙ ARC’HANT
Skoazelloù zo evit mont e-barzh an Annez, hervez ho peadra.
Skorenn Personelaet evit al Lojeiz (SPL)
O vezañ m’emañ an Annez dindan gevrat an SPL e vo kaset ur goulenn skoazell d’ar C’hef Goproù-tiegezh pe da Genwarez sokial al labour-douar Evit paeañ ar skorenn-se e vez dalc’het kont eus peadra an dud.
Ar Skorenn Personelaet evit an Emrenerezh (SPA)
Paeet e vez ar skorenn war-eeun gant ar C’huzul-departamant d’an Annez evit ar re a zegemer anezhi, hervez live amzalc’h an Annezad·ez. Ar sammad fakturennet a gemer e kont sammad ar skorenn-se da-geñver an treziad amzalc’h.
Ar Skoazell Sokial (SS)
Goulennet e vez ar Skoazell Sokial d’an dud war an oad pa ne c’hall ket an Annezad·ez pe e/he familh paeañ ar mizoù chom. Gant ar C’huzul-departamant e vez termenet sammad ar skoazell sokial hag ar skorenn a vo da baeañ, diouzh an dro, pa vez dleoù-magañ.
Ret e vo deoc’h, diouzh an dro, mont e darempred gant sekretouriezh ho Ti-kêr a sikouro ac’hanoc’h en ho tifraeoù ha ret e vo kas ar goulenn da servijoù ar C’huzul-departamant.